Куславкка районӗ — Чӑваш Енӗн ҫӳрҫӗр енче вырнаҫнӑ район. 1927 ҫулхи авӑнӑн 5-мӗшӗнче йӗркеленӗ. Район администрациӗ Шупашкартан 97 ҫухрӑмра ларакан Куславккара вырнаҫнӑ.

Тавралӑхӗ

Лаптӑкӗ — 516,8 км2. Район ӑшне Атӑлти Криуши тата ытти утравсем кӗреҫҫӗ. Хӗвелтухӑҫ тата кӑнтӑр-хӗвелтухӑҫ енче Тутарстан вырнаҫнӑ. Кӑнтӑрпа кӑнтӑр-хӗвеланӑҫ енче Вӑрмар районӗ, хӗвеланӑҫ енче — Ҫӗрпӳ районӗ, ҫӳрҫӗр-хӗвеланӑҫ енче Сӗнтӗрвӑрри районӗ вырнаҫнӑ. Ҫӳрҫӗр енче кӑнтӑр еннеле 50 ҫухрӑма район тӑсӑлать, хӗвеланӑҫ енчен хӗвелтухӑҫ енне — 70 ҫухрӑма.

Халӑх йышӗ

1999 ҫул пуҫламӑшӗ валли районта 26,6 пин ҫын пурӑннӑ, вӑл шутра 12,9 пин (48%) — хула ҫыннисем, 13,7 пин (52%) — ял ҫыннисем. Районта пурӗ 67 ял вырнаҫнӑ, вӗсенче вӑтамран 222 ҫын пурӑнать. Пӗр тӑваткал ҫухрӑм ҫине вӑтамран 53,2 ҫын килет. Пӗтӗм халӑх шутӗнчен 70% ытла — чӑвашсем.

1979 ҫулта ял ҫыннисен шучӗ 31,3 пин пулнӑ, 1989 ҫулта — 27,1 пин.

Хула ҫыннисем Куславккара пурӑнаҫҫӗ.

Паллӑ ҫынсем

• Алексеев Павел Алексеевич, Хыпар хаҫӑтӑн пӗрремӗш редакторӗсен пӗри.
• Алексеева Лариса Александровна, спортсменка.
• Бубнов Юрий Александрович, живописец, художник-реставратор.
• Бубнова Светлана Ивановна, юрӑҫӑ.
• Вашки Иван Никифорович, сӑвӑҫӑ, прозаик, драматург, куҫаруҫӑ.
• Егоров Василий Георгиевич, чӑваш чӗлхине тӗпчекен, тюрколог.
• Иванов Валерий Павлович, оперӑ юрӑҫи.
• Иевлев Михаил Иванович, хирург.
• Ишутов Михаил Якимович, копиист.
• Кириллов Сергей Александрович, спортсмен.
• Кореньков Гаврил Алексеевич, сӑвӑҫ, талмач.
• Краснов Николай Семёнович, архитектор.
• Кубарев Эдуард Алексеевич, политика ҫынни.
• Кузнецов Игнатий Максимович, хирург.
• Мранька Никифор, прозаик, драматург.
• Назыров Салих Сабирович, архитектор.
• Орлов Александр Михайлович, юрӑҫӑ.
• Осипов Пётр Николаевич, ҫыравҫӑ.
• Пашкова Надежда Николаевна, спортсменка.
• Плотникова Ольга Петровна, трактористка.
• Селиванова Зоя Павловна, юрӑҫӑ.
• Смолин Анатолий Семёнович, сӑвӑҫӑ, куҫӑруҫӑ.
• Стуриков Николай Андреевич, вырӑсла ҫыракан писатель, куҫаруҫӑ, журналист.
• Тимофеев Григорий Тимофеевич, писатель-этнограф, фольклор пуҫтараканӗ, вӗрентекен.
• Трубина Марфа Дмитриевна, произаик.
• Удалов Маркиан Петрович, чӑваш драматургӗ, сӑвӑҫи.
• Ухсай Мария Дмитриевна, прозаик, драматург.
• Фукс Александра Андреевна, этнограф.
• Хури Макар Гордеевич, сӑвӑҫӑ.
• Чумакова Тамара Ивановна, юрӑҫӑ.
• Шевле Михаил Васильевич, политика ҫынни.
• Ырҫем Ольга Ивановна, актриса.

Куславкка районӗн ялӗсем

Куславкка районӗн ялӗсем алфавит тӑрӑх

Каҫӑсем

• Районӑн официаллӑ сайчӗ (вырӑсла)

Ҫавӑн пекех пӑхӑр

• Район хыпарӗсем